اللوبيا يابسة

[bellavie]

عفاكم الي عندو طريقة طبخ اللوبيا يابسة يعطيهالياوشكرا.

[ماجدولين]

عفاكم الي عندو طريقة طبخ اللوبيا يابسة يعطيهالياوشكرا.

فيما يلي طريقتان لطبخ اللوبيا البيضاء اليابسة
الاولى مشرملة عادية.. والثانية باللحم.

لوبيا مشرملة

المقادير:

2/1 كيلو لوبيا يابسة مرطبة في الماء ليلة كاملة
قسبر مدقوق مع راس كامل من الثوم والملح
كمون
تحميرة
يبزار
شوية زعفران
شوية سودانية*ممكن تستغني عليها إدا بغيتي*
لتر من الماء
نصف كاس صغير زيت مائدة
ملعقة كبيرة زيت زيتون
حبة طماطم محكوكة

الطريقة:

فكوكوط نعملو اللوبيا مع التوابل كلها ونمرقو بلتر من الماء ونشدو عليها لمدة *نصف ساعة *
او *ساعة كاملة *على حسب نوعية اللوبيا..
من بعد نحلو عليها ونضيفو الطماطم المحكوكة ونعاودو نشدو عليها مرة ثانية لمدة 5 دقايق
وقبل ما نقدموها نضيفو لهاملعقة من زيت الزيتون .

ملاحظة:

في هذه الوصفة لاوجود لاللبصل ولا للمعدنوس.



اللوبيا باللحم

المقادير:

2/1 كيلو لوبيا يابسة مرطبة فالماء ليلة كاملة
قطع لحم
يبزار
قسبر ومعدنوس مقطع
بصلة مشلضة
ملح
يبزار
نصف كاس صغير زيت
لتر من الماء

الطريقة:

نقليو اللحم شوية مع البصل والعطرية
من بعد مباشرة نزيدو معاه اللوبيا ونشدو على الكوكوط* نصف ساعة *
او *ساعة كاملة* على حسب نوعية اللوبيا.
اللحم واللوبيا كياخدو نفس الوقت فالطياب..

ملاحظة:

في هذه الوصفة لاوجود للطماطم ولا للثوم.

اللوبيا دابا وقتها
المقادير فالمتناول وطرق التحضير جد سهلة اخي الكريم
شهية طيبة.

[bellavie]

ببارك الله فيك ا ختى.

[sostrans2003]

شكراً لك اختي الكريمة

[server1]

بارك الله فيك اخت على المساعدة

تحياتي لك