&& طريقة سهلة وبسيطة لحرشة رطبة ولذيييييييييييذة &&

[ماجدولين]

الحرشة على طريقتي

المقادير:

400غ سميدة رقيقة (تقريبا زلافة متوسطة)
2 ملاعق كبيرة زيت
ملعقة كبيرة ونصف زبدة مدوبة
ملح
شوية سنيدة
2/1 ملعقة صغيرة خميرة طرية
قليل من السميدة للتكراص
الماء


الطريقة:

نخلطو السميدة مع باقي المكونات ونفركوها مزيان بين الأصابع
ثم نجمعوها بالماء حتى نحصلو على عجينة خفيفة ...نوضعوها على جنب
ونخليوها ترتاح شوية...
فهاد الأثناء نسخنو المقلاة الحديدية ...نرشو فيها شوية دالسميدة
وفوقها مباشرة نعملو عجينة السميدة اللي كنرشوها
كذلك بالسميدة ونكرصوها فالمقلاة حتى تاخد شكلها الدائري.
نطيبوها من الجهتين .

نصيحة باش تحصلو على حرشة رطبة :

مباشرة بعدما تطيب الحرشة نلفها في منديل نضعه وسط بلاستيك غذائي
نحكم إغلاقه ...تقريبا نصف ساعة... فتصبح بعد ذلك جاهزة للتقديم.
بالصحة والراحة.

[badr76]

سال لعابي أختي مجدولين من رائحة هده الحرشة

ههههههههههههههههههههههههههههههههههه

مشكورة

[oussama.a]

شكراً لك اختي الكريمة

[ماجدولين]

أشكركما جزيل الشكر أخواي الكريمان
بدر وأسامة على تشريفكما
تحية طيبة.

[فيفيان]

مرسي ماجدولين على وصفه حرشه ولكن انا مرة صغوبتها خرجت معايا قاسحه شويا ومن بعد مصغبتها

[ماجدولين]

مرسي ماجدولين على وصفه حرشه ولكن انا مرة صغوبتها خرجت معايا قاسحه شويا ومن بعد مصغبتها

مرحبا الوزانية
جاتك قاسحة لانك إما جمعتيها بكمية ماء قليلة
او أنك استعملتي سميدة من نوع غير جيد...
فعجينة الحرشة لابد تكون خفيفة ...وبمجرد ما نجمعوها
برؤوس الاصابع نخليوها على جنب حتى تشرب شوية
عاد نطيبوها.
جربي المقادير التي قدمت ...تشجعي و حضريها مرة ثانية
وإن شاء الله ستنجح لك.

[benmoha]

شكراً لك اختي الكريمة

[GON]

تسلم ايدك
شكرا اخت ماجدولين

[saamaaraa]

السلام عليكم ورحمة الله وبركاته

الف شكر لكي اختي ماجدولين

ان اشاء الله نجربها على طريقتك

لان طريقتي كاتجيبيها قاسحة

يسلمو ايديكي

[perle1]

شكراً لك اختي الكريمة