الســـــــاعـة
يا ساعة يهديك دوري واجري بالرقاص
عيني تنظر في رقامك والخاطر محتار
وعد حبيبي طال وقلبي راه قطع الياس
ولات دقيقة بساعة والساعة بنهار
********************
انت قلبك راه هاني يتمشى بقياس
و انا قلبي راه يخفق كي ريشة لطيار
انت مخدومة حديدة وابن آدم حساس
في وقت الفرقة كبادو تكويها لجمار
********************
يا حليل اللي راه وحدو ما عندو وناس
طول الليل يبات قلبو تشعل فيه النار
دقات الساعة تزيدو عن حالو وسواس
ما يوجد حبيب يمسح دمعو من لبصار
********************
وانا راني غير وحدي وصبري راه خلاص
متشوق لحبيب قلبي يشفي لي لضرار
وانتي ساعة ثقيلة ورقاصك نعاس
وانا وعدي بيك خفي هذا عنك عار
العــــوامـــة
يا الحوتة شوقتيني في اللقـــــــــاء
ساهر الليل انبات مقــــــابل البحر
غير تجري بين الموجـــات زالقة
والقصب عقابك تجري بلا زهر
والصيادة في بحر الحب غـــامقة
ما سلك منها غير طويل العمــــر
***
يا الحوتة يا بنت العز واللنقــــــا
غايتي بــاه نشوفــك غير بالنظر
خاطري شــــــايق و انتي مقلقة
ورايحة لصنــانر العذاب لا خبر
دارين الطعمة في الشوك لاصقة
و كل من يضحك لك مبني على الغدر
***
يا الحوتة قولي لي يا اللايقة
شارقة فيك نجوم تشهل البصر
ساطعة كمثل الدرة مزوقة
غالية في سومك يا دارة القمر
راه لعيونك عيني مشوقة
وطول ليلي م الشوق موابد السهر
***
العداء نصبو لك شبكة مغلقة
حاذري لا يرميك الموج للخطر
توجدي الصنارة في القلب راشقة
وبيد صيادك تتشواي ع الجمر
وكيف نعمل بعدك يوم المفارقة
وبعد فقدان وين انلاقي الصبر
يتبع
لا تنس الصلاة في وقتها المفروضة كما لا يلهيك الابحار على الانترنت عن أداء صلاة الجماعة وجزاكم الله خيراً .
إخبــار : سيتم
حذف العضويات التي رصيدها من المشاركات و المواضيع 0
(صفر)، و به الإعلام
إدارة المنتدى
+ الرد على الموضوع
النتائج 1 إلى 10 من 32
الموضوع: اغاني المطرب الجزائري رابح درياسة
-
الحالة:
رقم العضوية: 737تاريخ التسجيل: 20 10 2004الأهتمام: صيد الاسودالاقامة: هناكعلم الدولة :
المشاركات: 4,078التقييم: 10
اغاني المطرب الجزائري رابح درياسة
الحالة:
رقم العضوية: 737تاريخ التسجيل: 20 10 2004الأهتمام: صيد الاسودالاقامة: هناكعلم الدولة :المشاركات: 4,078التقييم: 10
نجمة قطبية
نجمة قطبية طلت عقب الليل علي
سمرا خمرية جرحتني بعيون غزالة
شهلت عيني من ذيك النظرة المذبالة
قلت لها مرحى ضحكت عينيها بالفرحة
قالت لي صحة والمبسم جوهر يتلالا
ومركب سبحة ينطق بحرف البسماله
يا زين البية قلتلها اصلك غربية
بنت الحمرية من وهران ناسك قواله
وضحكت لوخية وخزرتني وقالت لي: لا لا
قولي يا زينه اصل ما يخفاش علينا
بنت قسنطينة بنت العلم وبنت الآلة
ضحكة لحنينة وخزرتني وقالت لي : لا لا
حبيت نتوب
انتي درتي الحنة وحبيبك ما قواه
صابر لامر الله يداوي محنة بمحنة
وفراقك فناه
حبيت انتوب باش نهنا ونتوحد لله
والتوبة وعلاه انتوب على كل محنة
غير عليك اواه
وطريقك جايه بعيدة وانا مالي باه
وحبيبك ماقواه وسمحتي فيه يا الكبيدة
وجفيتيه علاه
نبغيك تكوني سعيدة وانـــــــا لي الله
نصبرلو لقضاه وانا نحلف يا الوحيدة
حبك ما ننساه
وانت مديتي العاهد وحـــفتي بالله
يا خوفي من الله قلبي هو كان شاهد
و تبدل وعلاه
عندي فيك مية حاسد والحاسد ما قصاه
فرقنا ببلاه وانا حبي كان واحد
ما حلاه وما بلاه
حبيتك مالخوف جحدة على الحاسد وبلاه
يا خوفي من بلاه حطيتك في القلب وردة
وجرحتيني لاه
انت لي عين واحدة وباه ظلمتك باه
وظلمتي و علاه وعلاش اجرحتي الكبدة
حشمتك بالله
الحالة:
رقم العضوية: 737تاريخ التسجيل: 20 10 2004الأهتمام: صيد الاسودالاقامة: هناكعلم الدولة :المشاركات: 4,078التقييم: 10
راشدة
الحالة:
رقم العضوية: 737تاريخ التسجيل: 20 10 2004الأهتمام: صيد الاسودالاقامة: هناكعلم الدولة :المشاركات: 4,078التقييم: 10
الممرضة
سمراء ولبستها بيضاء
تسبي الوالع بالرضى
عييت ما نكتم في قلبي ... سرها ونبوح
يقولولها الممرضة
منها العشاق مريضة
هي تداوي في المرضى... وحبيبها مجروح
اذا حبوك النســـاء
يا قاري سورة النساء *** سلم لخصايل النساء
الراجل سر والنساء *** كنز بلا مــفتـــــــاح
اذا حبوك النــــساء *** تجلبهم بالمســـايسة
واذا كرهــــــوك *** ما يفيدك في الحرب سلاح
يتبع
الحالة:
رقم العضوية: 737تاريخ التسجيل: 20 10 2004الأهتمام: صيد الاسودالاقامة: هناكعلم الدولة :المشاركات: 4,078التقييم: 10
يا محمد
يا حبيبنا يا سيد الأبرار
يا محمد غيث أمتك راها في لغبان
الحالة:
رقم العضوية: 737تاريخ التسجيل: 20 10 2004الأهتمام: صيد الاسودالاقامة: هناكعلم الدولة :المشاركات: 4,078التقييم: 10
يا قمري
يا قمري ودي سلامي للغربة
وللي راه غريب مشتاق للأوطان
بلغلوا سلام أرض المحبة
الجزائر أمنا اعز البلدان
بمدنها بريافها وبغي الوجبة
بغيبها بشطوطها زينة للألوان
خذ سلام مدونها ليك محبة
كل مدينة وناسها في كل مكان
وإذا جيت تزورها يا مرحبا
أهلا وسهلا بيك لبلادك مضمان
كي تدخل من حدود تونس العذبة
أدخل ع الشطوط وامشي في لامان
أبدا م القالة زينة جذابة
واتفرج بالعين في زين المرجان
من بعد امشي للجميلة عنابة
واطلع ع السيرايدي وانظر لكوان
واتعدى للشطايبي مناسبة
واتعشي في سكيكدة زينة للألوان
والطارف والقل في جنة طيبة
اتمتع بشطوطهم صيد وعومان
واهبط من ثمة لجيجل في رغبة
وانظر لتاريخها من عهد زمان
في المنصورية حوالك تتلبى
وادخل لبجاية تعشي في لامان
تيشي بسماها وماها رحابة
وبجاية تاريخ راسخ في الديوان
جوز لآزفون شط مع غابة
واعقب لتقزيرت ولدلس عجلان
اتمتع بشطوط دلس واتهدى
واقصد بومرداس من ثمة نيشان
بدوة وحدة عين طاية في القربة
واتعافى من بعد في برج الكيفان
ادخل من بعد لدزاير اللبة
زور امام العاصمة عبد الرحمان
من بعد اطلع زور سكان القصبة
وانا نستناك في عين البنيان
نديك قبالا لموريتي عذبة
ونديك لنادي الصنوبر اعز مكان
وسطاوالي في الطريق المطلوبة
والشط مالوا ذهب للبعد يبان
وقبالوا سيدي فرج مولة القبة
واحذاهم زيرالدا شط الأمان
واحذا فوك الدواودة غير قريبة
منها نطلع للقليعة زين وشان
ما ننساوش بوسماعيل الرحبة
ومزين تيبازة بسياح وسكان
وجبل شنوة فوقها عندو رهبة
وقبر الرومية مقابل ربعة اركان
نقصدوا شرشال من بعد الركبة
ومنوا نبغي نزور آثار الرومان
قوراية وسيدي براهم في العقبة
زيد تنس وشطها يجلب لحسان
نغدى طول لمستغانم الخصبة
ونسمع قصة بن خلوف ومزغران
نقصدوا لآرزيو من بعد الغيبة
وندخلوا للباهية مدينة وهران
وهرن وهرن جايبك وهبــي طربة
نتفكر فيك الحبيب رفيق زمان
في سيدي الحسني نلاقي والطلبة
وسيدي الهواري علام لكل سلطان
لعيون التركيات نغدوا في رحبة
والأندلس بحذاها جنة رضوان
وبني صاف وشطها يجلب جلبة
وزيد الغزوات وانظر يا فلان
نوصل لمرسى بن مهيدي نتهدى
ونحيوا لمغاربة لينا جيران
هذي شطوط دزاير يا غربة
ذرك نروحوا للمدن في كل مكان
ندخلوا مالشرق نصار الغلبة
نبداوه من بن مهيدي موله الشان
ونزيد لقالمة وخراطة وجبة
ونحيوا أرواح لأبطال الشجعان
من خراطة نروح طول لعزابة
ونقصد سوق أهراس ونحيي لاخوان
ونعدي شور الخروب على الركبة
وعين البيضة نزيد للونزات عيان
ونباتوا في خنشلة بعد الغيبة
وبير العاتر في الطريق هلالوا بان
ونزيد تـبـسـة وللعربي نجبة
ونطلعوا لأم البواقي في لامان
نرجع لزيغوت يوسف بمحبة
ومن زيغوت نزور حمة بوزيان
وادي زناتي على يمينك في الحسبة
واهبط حتى لباتنة مهد الشجعان
والأوراس عظيم تاريخوا وجبة
نتفكر ثمة الجرموني فنان
نطلع من ثمة نعجل بالغصبة
لقسنطينة العالية فوق الكيفان
دين قسنطينة يزيدك في الرغبة
وقصة صالح باي مشهورة من زمان
فيها بن باديس زايد وتربى
وسيدي راشد كان لو عز وبرهان
والميلية وزيد ميلة بالنسبة
لعين مليلة يالخو تمشي عجلان
.......
الحالة:
رقم العضوية: 737تاريخ التسجيل: 20 10 2004الأهتمام: صيد الاسودالاقامة: هناكعلم الدولة :المشاركات: 4,078التقييم: 10
يا فارس
يافارس عندي وصية ليك اليوم
كانك قصد للصحاري لا تنساش
سلم لي على الطان نعرة للمضيوم
فرسان الصحراء و اعجل ما تبطاش
اهل الهمة والشنانة سل ملزوم
من فرقتهم راه قلبي ما يهناش
يافارس ثمة تصيب رجال القوم
و نخل و خيام الشعر تحفة وفراش
قدامك سادات تقرا في العلوم
سولهم ع الي انت ما تعرفهاش
طفلات محنيين للسعشة والصوم
و يصبوا في التاي لجماعة لعراش
بالحنة والرديف والساق الموشوم
عندك عقلك لا يغيب ولا تعلباش
يا الشمس
يا الشّمس دخيلك بالله يا اللّماعــــــــــــة - و خبريني و علاش لقاك ما يـــــدوم
كل يوم عليَّ عشا و صباح طلاّعـــــــــة - و في لقاك نفاجي الأحزان و الهموم
كي الذهب خيوطك على الأكوان سطّاعة - مزوّقة كل الكائنات بالرســـــــــــوم
الغواني و بدور الزيني تركّاعـــــــــــــة - و كي تطلّي تدرڤ الأقمار و النجوم
يا خسارة ديمة و قت الغروب خدّاعــــة - تفارقيني من غير وداع كل يـــــــوم
يا حبيبي نهديلك ذالجواب بالطّاعـــــــة - دخيل عنك من بعد اليوم لا تلـــــــوم
شوف حالي في ساعة الوداع شفّاعـــة - و في العوايد وقت الفرقة يجي نشـوم
قولّي لنرجى و قت الشروق بالسّاعـــة - ساهرة و عياني مشتاقة النـــــــــــوم
في كبادي تشعل نار الفراق و لاّعــــة - و الفراق مشرّبني كاس السمـــــــوم
يا حبيبي راد المكتوب لازم الطّاعــــة - و كل واحد
الحالة:
رقم العضوية: 737تاريخ التسجيل: 20 10 2004الأهتمام: صيد الاسودالاقامة: هناكعلم الدولة :المشاركات: 4,078التقييم: 10
حيزية
عزوني يا ملاح في رايس البنات * سكنت تحت اللحود ناري مقديا
يــاخي أنـــا ضرير بيــــا ما بيــا * قلبي سافر مع الضامر حيزيــا
1- الوقوف على الطلل والحنين
يا حسراه على قبيل كنا في تاويل * كي نوار العطيل شاون نقضيــــا
ما شفنا من دلال كي ظي الخيـال * راحت جدي الغزال بالزهد عليــا
و إذا تمشي قبـال تسلب العقـــال * أختي باي المحال راشق كميـــــــا
جاب العسكر معاه و القمان وراه * طلبت ملقـــاه كل الاخر بهديـــــــا
ناقل سيف الهنود يومي غي بـاليـد * يقسم طرف الحديد و اللي صميـــا
مــا قتل من عباد من قوم الحســــاد * يمشي مشي العنــــاد بالفنطازيـــا
ما نشكرش البــــاي جرد ياغــــــناي * بنت احمد بالباي شكري و غنايـــا
2- النسيب و الوصف
طلقت ممشوط طاح بروايح كي فــــاح * حاجب فوق اللماح نونين بريــــــــــا
عينك قرد الرصاص حربي في قرطاس * سوري قياس في يدين الحربيــــــــــا
خدك ورد الصباح و قرنفل وضــــــاح * الدم عليـــــه ساح وقت الصحويــــــا
الفم مثل عــــاج المضحـــــك لعـــــــاج * ريقك سـي النعاج عسله الشهايـــــــــا
شوف الرقبة خيار من طلعت جمـــــــار * جعبـــــة بلار و العواقيد ذهبيــــــــــا
صدرك مثل الرخـــــــام فيه اثنين تـــــوام * من تفـــــــــاح السقام مسوه يديـــــــا
بدنك كاغط يبان القطن و الكتــــــــــــــان * و الا رهدان طاح ليلـــة ضلميــــــــا
طلقت بشرور مــــال و مخبل تخبــــــــال * على الجوف تدلال ثنيــة عن ثنيـــــــا
شوف السيقـــــــان بالخلاخل يا فطـــــــان * تسمع حس النقران فوق الريحيــــــــــا
---------------------------
في بــارز حاطين انصبـح ع الزيــــــــن * واحنا متبسطين في حال الدنيــــــــا
نصبح في الغزال نصرش للفــــــــــــال * كي اللي ساعي المال و كنوزهريـــا
ما يسواش المال نقحات الخلخــــــــــال * كـي نجبى عن الاحيال نلقى حيزيــة
تسحوج في المروج بخلاخيل تســـوج * عقلي منها يروج قلبي و اعضايـــــا
في التل مصيفين جينـا محدوريـــــــــن * للصحراء قـــاصدين انا والطوايـــا
و جحـاف مغلقين و البـارود ينيــــــن * الأزرق بي يميل لسـاحة حيزيـــــــــا
ساقوا جحــــاف الدلال حطوا في أزال * سيدي الأحسن قبال والزرقاء هيـــــا
قصدوا سيدي سعيد والمتكـعوك زيــــد * و مدوكال الجريد فيهــا عشيـــــــــــا
رقوا شاو الصباح كي هبوا الريــــاح * سيدي محمد قناق و أرضه معفيــــــــا
منه ساقوا جحاف حطوا في المخراف * الأزرق لكــان ساف يتهوى بيـــــــــــــا
بن صغير قصاد بموشــم الأعضـــاد * بعد ان قطعوا الواد جاو مع الحنيـــــــــا
حطوا رؤوس الطوال في ساحة الأرمال * وطني جلال هي عنــــــاق المشيـــــــــا
منها رحلوا الناس حطـوا في البسباس * بن الهريمك قيــاس بأختي حيزيـــــــــا
ماذا درنا عراس، الأزرق في المرداس * يدرق بي خلاص كي الروحانيـــــــــا
في كل ليلة نزيد عندي عرس جديد * في كل نهار عيد عندي زهويــــــــــــا
تاقت طول العلام جــوهر في التبسـام * و تمعنـي فـي الكلام و تفهم فيـــــــــــا
بنت حميدة تبـان كضي الومـــــان * نخلــة بســــــتان غي وحدها شعويــــــــا
وزند عنهـــا الريح قلعهــــا بالميــــح * مـــا نحسبها اطيح دايم محضيـــــــــــا
واضرن ذيك المليح دار لها تسريــح * حرفهـــــا للمسيح ربي مولايــــــــــــــــا
3- حضور المنية
في واد "يتل" نعيد حاطين سمـاط فـــريد * رايســة الغيد ودعتني يا خويــــــــــــــــا
في ذا الليلــة وفات عادت في الممــــات * كحل الرمقات ودعت دار الدنيــــــــــــا
لضيتها لصدري ماتت في حجــــري * و دمعة بصري على خدودي مجريــــــــا
واسكن راسي جـذاب نجري في الاعـلاب * ما خليت شعـــاب من كاف و كديــــــــــا
خطفت عقلي راح مصبوغـــة الألمـاح * بنت النـــــاس الملاح زادتني كيــــــــــــــا
حطوهــــا في كفــان بنت على الشـــان * زادتني حمان نفضت مخ حجايـــــــــــا
داروها في النعاش مصبوغـة الارماش * راني وليت باص واش اللي بيـــــــــــا
جابوهــــا في جحاف حومتها تنظـــاف * زينة الأوصاف سبتي طويلة الرايـــــــا
في حومتهـــا خراب كي مرضى الكوكـاب * زيد قدح في سحاب ضيق العشويـــــــا
حومتهــــا بالحرير كمخـة فوق سريــــر * وانـــــــــا نشبر مهلكتني حيزيــــــــــا
كثرت عني هموم من صافي الخرطـــوم * مــــا عدت شي نقوم في دار الدنيــــا
ماتت موت الجهاد مصبوغة الأثــــمــــاد * قصدوا بهـــــا بلاد خالد مسميــــــــا
عشات تحت اللحـاد موشومة الأعضــــاد * عين الشراد غـابت على عينيــــــــــا
ياحفــــار القبور ســــايس ريــــم القـــــــور * لا تطيحش الصخورعلى اللي بيا
داروها في القبر والشــــــــــــــــاش معجر * تضوي ضي القمر ليلة عشريــــا
داروها في اللحود ، الزين المقدود * جبارة بين سدود وسواقي حيا
قسمتك بالكتــــاب و حروف الوهـــــــاب * لا تطيح التراب فوق أم مرايـــــــا
لوان تجي للعناد ننطح تلث عقـــــــــــــاد * نديها بالزنـــــاد عن قوم العديــــــا
واذا نحلف و راس مصبوغة الأنعـــــاس * مـا نحسبشي الناس لو تجي ميـــــا
لوا أن تجي للذراع نحلف ما تمشــــي ذراع * ننطح صرصور قاع باسم حيزيـــا
لو أن تجي للنقـــــار نسمع كان و صـار * لن نديها قمـار و الشهود عليــــــــــا
لو أن تجي للزحــــام نفتن عنهــا اعـــوام * نديهـا بالدوام نابو سهميـــــــــــــــا
كي عـــاد أمر الحنين رب العــــالميــــن * لا لقيت لهــــا من اين نقلب حيـــــا
صبري صبري عليك نصبر أن نـاتيـــــــك * نتفكر فيك يا ختي غير انتيــــــــــــــــا
4- موت الفرس بعد الحبيبة
هلكني يــــــا ملاح الأزرق كي يتــــلاح * بعد اختي غي زياد يحيا في الدنيـــــا
عودي في ذا التلول رعـــى كل خيــــــــــول * و اذا والى الهول شـــــاو المشليــــــــــــــا
ما يعمل ذا الحصان في حرب الميــــــــدان * يخوح شــــــاو القران امــــه ركبيـــــــــــا
آش لعب في الزمول اعقاب المرحــــــول * انا عنه نجول بيـا مــــــا بيـــــــــا
بعد شهر مــــا يدوم عندي ذا الملجــــوم * نهــــــار ثلاثين يوم وراء حيزيـــا
توفى ذا الجواد ولــــى في الاوهـــــــــــاد * بعد اختي ما زاد يحيــا في الدنيــــا
صدوا صد الـــوداع و اختي قـــــــــاع * طاح من يدي سراح الازرق آه ديــا
ربي اجعل الحيــاة ووراها الممـــــات * منهم روحي فنـــات الاثنين رزيـا
5-الصورة الجنائزية
نبكي بكـي الفراق كبكي العشـــــــــــــــاق * زادت قلبــــي حراق خوضت مايـــا
يــــا عيني واش بيك اتنوح لا تشكبــــــل * زهو الدنيـــا يديك ما تعفى ش عليــا
زادت قلبي عذاب مصبوغـة الأهـــداب * سكنت تحــــت التراب قرة عينيــــــا
نبكي و الراس شاب عن مبروم النــــاب * فرقـــــة الأحباب مـــا تصبر عينيـــا
الشمس الى ضوات طلعت و تمســـات * سخفت بعد أن سوات وقت الضحويــا
القمر الى يبان شعشع في رمضـــــــان * جــاه الميســـان طلب وداع الدنيــــــــا
هذا درتو مثيل عن رايســــة الجيـــل * بنت احمد صيل شايعـــــة ذواديـــــــــا
هذا حكم الا له سيدي مول الجــــاه * ربي نزل قضـــــاه و ادى حيزيــــــــــا
صبرني يـــــا الله قلبي مــات ابـــداه * حب الزينــــة اداه كي صدت هيــــــــــا
6- رثاء الحبيبة
تسوى ميتين عــود من خيـل الجويـــد * و ميــــة فرس زيد غير الركبيـــــــــــا
تسوى من الابل عشر مايـة مثيــل * تسوى غابــــة النخيل عند الزابيــــــــــــا
تسوى خط الجريـد قريب و بعيــــد * تسوى بر العبيد حاوســـــا بالفيــــــــــا
تسوى مال التلول و الصحرا و الزمول * مــــا مشات القفول عن كل ثنيـــــــــــــا
تسوى اللي راحلين و اللي في البرين * تسوى اللي حاطين عادوا حضريــــــــا
تسوى كنوز المال بهيـة الــــخلخال * و اذا قلت قلال زيــــــد البلديــــــــــــــا
تسوى مال النجوع و الذهب المصنوع * تســـــــــــوى نخل الدروع عند الشاويـا
تسوى اللي في البحوروالبادي وحضور * اعقب جبل عمور و اصفا غردايــا
تسوى تسوى مزاب و سواحـل الزاب * حاشا ناس القباب خاطي انا الوليــــا
تسوى خيـل الشليل و نجمة الليــل * فاختي قليل قليل طبـي و دوايـــــــا
نستغفـــــر للجليـل يرحم ذا القليـل * يغفر للي يعيل سيدي و مولايــــــــــا
ثلاثة و عشرين عـام في عمر أم حرام * منها راح الغرام ما عاد شي يحيـــــا
عزوني يــــا اسلام في ريمـــــة الاريــــام * سكنت دار الظلام ذيك الباقيــا
عزوني يا صغار في عارم الاوكــــار * ما خلات غير دار عادت مسميـــا
عزوني يــــا رجال في صافي الخلخـــــال * داروا عنهــــا حيال للسـاع مبنيـــــا
عزوني يــــا حباب فيها فرس ديـــــــاب * مـــــا ركبوها ركاب من غير انايــا
بيدي درت الوشــام في صدر أم حــزام * مختـم تختام في زنود طوايــــــــــــا
ازرق عنق الحمام ما فيهشي تلـطام * مقدود بــــلا قلام من شغل يديــــــــــا
درتــــه بين النهود نزلتـــــه مقــدود * فوق سرار الزنود حطيت سمايــــــا
حتى في الساق زيد درت وشــام جريد * ما قديتـو باليد ذا حال الدنيـــــــــــا
سعيد في هواك مـــــا عادش يلقـــــاك * كي يتفكر اسماك تديـــه غميـــــــــا
اغفـــــــــر لي يا حنين انا و الاجمعين * راه سعيد حزين بيــه الطوايــــــــــــــا
ارحم مول الكلام و اغفر لام حزام * لاقيهم فالمنـام يا عالي العليــــــــا
و اغفر اللي يقول رتب ذا المنــــــزول * ميمين و حاودال جاب المحكيـــــا
يــا علام الغيوب صبّر ذا المســــــــــلوب * نبكي الغريب و نشف العديــــــــا
مـا ناكلش الطعـام سامط في الافـــــــوام * و احرم حتى المنـام وخطى عينيـــــــا
بين موتها و الكلام غي ثلاث أيـــــــــام * بقاتني بالسلام و مــا ولات ليــــــــــا
تمت يـا سامعين في الالف و ميتـــــين * كمل التسعين ، زيد خمسة باقيـــا
كلمـة براس الصغير قلنهـــــــا تفكــــــــير * شهر العيد الكبير فيــه الغنايـــــا
في خــالد بن سنـان بن قيطون فـــــــلان * قالت على اللي زمـــان شفناها حيــــا
وقلبي سافر مع الضامر حيزي
الحالة:
رقم العضوية: 375344تاريخ التسجيل: 13 01 2009علم الدولة :
المشاركات: 8التقييم: 10
روعة اخي الله يرحم السي راببح درياسة
الحالة:
رقم العضوية: 60766تاريخ التسجيل: 2 06 2006علم الدولة :المشاركات: 21التقييم: 10
أغاني رائعة أخي الكريم
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
- أكواد المنتدى متاحة
- الابتسامات متاحة
- كود [IMG]متاحة
- كود HTML معطلة
42 44 45 46 47 49 53 54 55 56 57 58 59 60 61 63 64 69 71 72 73 74 75 82 83 84 85 92 100 103 106 107 108 109 110 111 112 113 114 116 117 120 121 122 123 124 126 127 129 130 131 132 135 136 137 138 139 141 142 143 144 146 147 151 152 153 154 155 156 157 158 159 161 162 163 164 165 166 169 170 171 175 179 180 181 186 194 196 198 199 201 202 203 204 205 206 207 211 212 213 215 216 217 218 219 222 224 225 226 227 228 231 232 233 234 235 238 239 240 242 243 244 246 247 248 249 250 251 252 254 255 256 257 258 259 260 261 262 263 265 266 267 268 270 284 285 286 287 288 289 291 292 293 294 295 296 297 299 300 301 302 305 306 307 308 310 311 312 313 314 316 317 318 319 320 323 324 327 328 329 330 332 333 334 335 341 342 343 344 345 346 347 348 349 350 351 355 356 357 358 359 363 364 366 367 368
رد مع اقتباس
مواقع النشر (المفضلة)