اشكال من الحلويات

[aya12]

السلام عليكم ورحمة الله وبركاته

اتمنى تعجبكم هاد الشكيلات باش نكتب ليكم المقادير

[oum_ilyass]

ممتازين بزاف و لكن اعطيبة المقادير و الطريقة

[macanede]

السلام عليكم تبارك الله عليك اية12 ممكن تعطينا مقادير هده الحلوة الرائعة ولاتنسي تكتبي لينا الطريقة لا تتأخري علينا في الرد . بارك الله فيك أنا أريد أن أعدلها للعيد ان شاء الله.

قبلاتي

[mos106]

الحلويات رائعة ممكن المقادير.

[aya12]

السلام عليكم ورحمة الله وبركاته

اشكر الكل على المرور الكريم وعلى الردود دابا غحط المقادير والطريقة ونتمنى تقبلو عليا
نبداو بالحلوى الاولى من اليمين
حلوىالكوك على شكل بوعويدة
المقادير:100g الكوك.50g سكر كلاصي.ملعقة صغيرة نسمة الحامض.بيضة تقريبا
للتزيين: وريقات من عجينة اللوز.ناباج.ملون اخضر.
الطريقة:نسخن الكوك في الفرن قليلا ثم يطحن ونضيف السكر+النسمة ثم
ناخدو البيضة نطربوها شوية ونصب شوية بشوية على الخليط ثم نجمع الكل
ونشكلها على شكل بوعويدة وتدخل الفرن درجة حرارته مهيييلة لما تخرج تزين
بورقة خضراء من عجينة اللوز ونقطر فوقهاقطرات من خليط الناباج والملون وبالصحة.

[aya12]

سابلي بقشور البرتقال
المقادير:75g زبدة عادية.30g سكر كلاصي.
50g قشور البرتقال معسلين ومقطعين رقاق.
م.ص نسمة البرتقال.الدقيق الكافي.
الطريقة: نخلطو الزبدة مع السكر ثم نسمة +القشور المعسلين+الدقيق.
تطلق بالمدلك وترشم بمرشم الوردة دائري او اي مرشم اخر دائري,
تطبخ ثم تلصق واحدة مع اخرى بالكلاصاج وتغمس بالشكلاط من الجناب.
الكلاصاج: نصف حامضة معصرة +سكر كلاصي+نسمة البرتقال.ثم يطرب الكل.

[senchi kawa]

تبارك الله عليك

[mos106]

جزاك الله خيرا

[فيفيان]

شكلها رائعه جدا جدا
شكرا

[aya12]

شكرا اخوتي على المرور الكريم والرد والتشجيع